Wat beteken die woord: "Amen"

Dit is weer ‘n nuwe week met nuwe uitdagings,
seëninge, voorspoed, versoekings, teleurstellings,
of wat ook al die geval kan wees.
Maar ons weet wat om te doen.
Ons nader ons Vader in gebed.
Maar besef ons wat ons sê, as ons die laaste woord spreek, naamlik “AMEN”
Wanneer ons die gebed afsluit en klaar tot ons Vader gebid het, bevestig ons dat dit wat ons gevra en bely het,
dat dit so sal wees.
Ja dat wat ek belowe het tot die Vader dat ek dit sal uitleef.
Dat ek opreg is en dat ek sal doen wat die Vader van my verlang.
So onthou wanneer ek die
“AMEN” sê,
dan sê ek vir die Vader, dat ek sal maak soos Hy van my verwag.
Ook weet ek dat wanneer ek “Amen” sê,
dat ek weet dat my gebed klaar verhoor is,
en dat ek klaar ontvang het, waarvoor ek gevra het.
‘n Gebed sonder geloof , beteken niks nie.
Geseënde week vir julle almal.
~Gert du Toit~